سلسلة نصائح

إما النجاح أو النجاح بشدة👨‍🎓

نصائح و توجيهات لتسهيل المراجعة 

*🇫🇷بالنسـبة الـفـرنـســية*

✔️ خاصك تقرا الروايات📚 مزيان وتفهمهم وحفظ la fiche de la lecture📝 يعني فقاش تزاد الكاتب إمتى مات , فقاش تكتبات الرواية , وإمتى تنشرات,  كل رواية شحال فيها من chapitre , الجنسية ديال الكاتب , النوعية ديال الرواية… يعني خاصك تكون موجد هادشي كامل , حيت أكيييد غايتحط شي سؤال متعلق بهادشي.

✔️ من بعد كيجيو أسئلة متعلقة بالنص📰 المهم إلى كننتي فاهم النص غتقد تجاوب,

✔️  من بعد كيجو الاسئلة ديال grammaire📝 داكشي ساهل😄 خاصك تكون فاهم  les figures de 

style,  discours direct et indirect … هادو تقريبا كل عام كيتحطوا.......

بالنسبة للإجتماعيات 

•اللي كيسول كفاش نحفض عدد كبير ديال الدروس، اول حاجة الحفض مجرد الحفض مكينفعش بزاف خاص تحفض عن طريق لفهامة يعني من كثرة ما نتا فاهم دوك المعارف غيرجعو محفورين فراسك بحال الى راك حافضهم و اكثر كتكون عندك مرونة باش دوز بين دوك لحوايج اللي مدخلهم لراسك كلهم ، و نقطة اضافية الامتحان و وبالنسبة لجميع الشعب مثلا فبحال الإجتماعيات مكيعطيوكش كلشي حفاضة ، جزئ كيعتامد على تحليل الوثائق و الربط بيناتها و استخراج المظاهر منها و الافكار الاساسية ديلها .

••الى خدينا دروس التاريخ على سبيل الامثال لا الحصر ، ميمكنش تطبع كاع دوك الملخصات و المعلومات فراسك من فراغ خاص يكون عندك رأية انها دروس مترابطة و انها متصلة بالواقع و مشي خيال و يكون عندك رغبة ففهم العالم فديك الفترة اللي يتناولها الدرس ، مثلا الدرس كيتناول التغيرات الاقتصادية و المالية في اوروبا خلال القرن 19 ، خاص تفهم مزيان شنو الهدف من الدرس

✔️~خمسة طرق لفهم وحفظ أي درس بسهولة~✔️

*.مرحلة1 قراءة وفهم الدرس*

كما كنعرف مادة التاريخ فيها بزاف تع الأحداث والتفاصيل وكتكون طويلة في بعض الأحيان، لذا أول خطوة هي أنك تلتزام بدرس واحد للقراءة والفهم، متشتتش الجهود ديالك بين الدروس لي منتشرين في الأنترنيت أو دفاتر أخرى يكفي تركز مع الدرس لي عطيك الأستاذ، و تبدأ بقراءة الدرس بالكامل مع التركيز على التفاصيل، وتحول تفهم سير الأحداث وأسبابها، حيث إن سير أحداث التاريخ يمكن أن يفهم في سياق الحكاية الشيقة، بعدها تكرر القراءة مرة أخرى لتثبيت سير الأحداث في الذهن. في الأخير ملي تفهم الموضوع تع درس غدي تقسمو إلى فقرات وعناوين رئيسة تساعدك على الحفظ في المرحلة التالية.

*.مرحلة 2 حفظ الدرس*

قبل متهز أي كتاب باش تحفظ خاصك تنعزل على المؤثرات لي يمكن أن تلهيك عن المذاكرة وتركز مع الحفاظة ، بحال الأصوات الخارجية والهاتف المحمول ومواقع التواصل الاجتماعي، خاصك تريح في مكان هادئ قدر الإمكان وتبعد على أي حاجة ممكن تبرزطك ولا تلهيك حتى تسالي الحفاظة .

*المرحلة .3*

خصك تعرف بلي لكل إنسان طريقة في الحفظ كتختالف عن غيره، لهدا حول تدير شي طريقة وتبعها لي كتحس فيها بلي رها نفعاك نتا وكتعطي نتيجة ليك مشي بضرورة أنك تبا متبع شي طريقة حيت نجحات مع شواحد أخور تقدر نتا متكونش مناسبة معاك ، حيث إن القدرة على الحفظ تنبع من المخ ونشاطه، مثلا كين لي كيحفظ عن طريق القراءة بصوت مرتفع للجزئيات لي قدر إستعابها عن طريق القراءة بعينه ، أو عن طريق إعادة كتابة التفاصيل لي صعيبة عليه حفظها في ورقة كما هي ، لهدا شوف أنت أشمن طريقة كتناسبك وتبعها، وحول في طريقتك أنك تنوع من الوسائل لي كتلقا بها المعلومة للدماغك، ستعمل القراءة بصوت مرتفع أيضا النظر فقط للكتاب والقراءة بدون إصدار صوت ستعل كاع الحواس ديالك باش تلقا المعلومة لي بغي تحفض .

*المرحلة.4*

ملي تسالي من حفظ درس ديالك حول أنك تدير فيه واحد الإمتحان صغير شوف فيه شحال من معلومة قدرتي أنك تحفظها وغدي تعرف أيضا أشنو لي مقدرتيش تحفظ ورج لدرس شفو عاود راجعو ، غدي تلقا في موقع مول التلاخيص فروض وتمارين غدي تحتجها باش تطبق عليها هدا الطريقة كنصحك تشوفها وتليشارجيها عنداك .

*5. آخر خطوة*

 هي في الأول قلت ليك دير واحد ورقة كتب فيها كاع عناوين الدرس زيد عليها محاور ديال داك درس كتب غير العنوان ديلها فقط ولكانت فيه شي تواريخ كتبها لخفتي تنسها، هدا الورقة خلها ديما حدا فما تكون غدي ولا جاي من مدرسة طل عليها بمجرد متدكر إسم درس وعناوين ديالو غدي تدكر كاع المعلومات لي 
حفظتها في داك الدرس .

أفضل  وأسرع طريقة للحفظ مجربة 🔥👑💪
1 . فهم  : خصك تفهم  أي درس  مرحلة بمرحلة 
2.إلا بغيتي يجيك حفظ ساهل  ستعمل  لغة جسد  سواء بالإشارات  او بالحوار مع شخص  ...... لي مفهمش دوز بريفي نسيفط ليك واحد كتاب pdf
3 . وهاد طريقة لي  انا كنستعملها وهي ربط وتخيل . هي انك متلا درس حرب عالمية أولى تخيل انك  أنت شركتي فيها وربطها حقيقيا  بالواقع دبالك مفهمتيش دوز بريفي  نشرح ليك
4. وهي في علم نفس تقولك إلا بغيتي تكتسب أي مهارة او تقن اي شيء علمها لشي شخص 
5.  وهي إلا بغيتي تحفظ شي درس  كيفما كان حاول تحكيه تشرحو  لباك  او امك او خوك  صغير او جدتك هاد طريقة من افضل طرق 
6. حفظ بالكتابة  إلا شحفتي فهاد رمضان  ومقديتيش  تحفظ  
7 . من مهم أنك  تنجح فهاد  طرق كاملين  خصك تكون مستمتع . إن رغبة في تذكر أي معلومة تتجلى في كيفية استمتاع بيها  وكيفية حصول عليها 
8 . من أساليب أيضا  .واحد الأسلوب خطير  هو أنك  تحفظ درس كل 10 دقائق مابين كل 10 دقائق  2 دقائق   راحة  لمدة ساعة    هي 10× 4 =40 دقيقة   و10دقائق  راحة 

*💡نــصـائــح رمــضــــ🌙ـــانــيـة*

📘 أحسن وقت للمراجعة في رمضان هو الصباح⛅ إلى غاية الظهر : 

*⏰00 : 8صباحا إلى 00 : 13 زوالا*

🍂 لأن الدماغ يكون في كامل نشاطه💪🏻 ولا تحس بالجوع والعطش🙂 لذلك يجب برمجة المواد الصعبة📚📆 في هذا الوقت⏰. 

✔️بعد الظهر وإلى غاية العصر تخصيصه للراحة😌 والنوم😴.

✔️بعد العصر تخصيص ساعتين2h لمراجعة المواد السهلة📚 التي لا تتطلب مجهودا ذهنيا كبيرا🧠⤵️.

✔️ في الليل بعد صلاة التراويح🧎🏻📿 |> تخصص حوالي ساعتين2h للمراجعة.

*⏰30 : 21 إلى 30 : 23*

 🌷وبهذه الطريقة ستكون قد خصصت حوالي 9 ساعات للمراجعة📖🖊️.

🌷 8 ساعات للنوم😴.

🌷 7 ساعات للراحة😌 والأكل🍽️ والعبادة🧎🏻📿.